مواقع العيادات والمراكز الطبية
تصميم موقع عيادة في مصر بيجيب حجوزات، مش زيارات وبس
موقع ووردبريس لعيادتك أو مركزك الطبي: صفحة لكل تخصص ودكتور، حجز من أي صفحة في أقل من دقيقة، وسرعة على الموبايل. بيبدأ من ١٢٬٠٠٠ جنيه بسعر ثابت متفق عليه قبل ما نبدأ.
متاح لفترة محدودة: تصوّر مبدئي (ديمو) لهيكل وواجهة موقع عيادتك قبل التعاقد، بدون تكلفة. بنجهّزه لعدد محدود من المشاريع كل شهر، علشان تشوف طريقة شغلنا على عيادتك أنت وتاخد قرارك وأنت شايف. اطلب التصوّر المبدئي ←
ليه موقع العيادة مختلف
المريض بيقارن قبل ما يحجز
قبل ما حد يحجز كشف، بيدوّر على التخصص في جوجل، ويقارن بين كذا عيادة، ويسأل نفسه أربع أسئلة: مين الدكتور؟ بيعمل الإجراء اللي أنا محتاجه؟ العيادة فين ومواعيدها إيه؟ وأحجز إزاي من غير ما أستنى رد؟
موقع الشركة العادي مش معمول يجاوب على الأسئلة دي. موقع العيادة الصح بيجاوبهم في أول شاشة، وبيخلّي التواصل خطوة واحدة من أي صفحة. ولأن أغلب المرضى بيدوّروا من الموبايل، السرعة على الموبايل هنا مش رفاهية، وجوجل نفسه بيقيسها بمعايير Core Web Vitals.
لو عايز تفهم التفاصيل قبل ما تكلمنا، اقرأ دليلنا: مكونات موقع العيادة الناجح: ١٠ حاجات بتحوّل الزائر لحجز.
اللي بيكون في موقع العيادة
المكونات اللي بنبني عليها كل موقع عيادة
- ✓ صفحة لكل تخصص أو إجراء (زراعة أسنان، تقويم، ليزر، جلدية…). كل صفحة بتستهدف الكلمة اللي المرضى بيدوّروا بيها فعلاً.
- ✓ صفحة لكل دكتور: التخصص، والمؤهلات، والإجراءات اللي بيعملها، ومواعيده.
- ✓ تواصل من كل صفحة: فورم قصير وزرار واتساب برسالة جاهزة، والطلب بيوصلك على طول.
- ✓ العنوان والخريطة والمواعيد واضحين لكل فرع، ومربوطين بملف Google Business.
- ✓ معرض للعيادة وصور قبل وبعد بموافقة المرضى.
- ✓ اللغة المناسبة لجمهورك: عربي أو إنجليزي أو الاتنين، حسب مرضاك.
- ✓ بيانات منظمة طبية (MedicalClinic وPhysician) علشان جوجل يفهم العيادة والأطباء والتخصصات.
- ✓ قياس الحجوزات في Google Analytics: تعرف كل حجز جه منين.
من شغلنا
مثال: مركز تجميل فيه ٥ عيادات
بنينا موقع لمركز تجميل متعدد التخصصات في مصر. خمس عيادات تحت سقف واحد: جلدية وحقن، وأسنان، وجراحات تجميل، وزراعة شعر، وتجميل أنف. التحدي كان إن الزائر ما يتوهش بين خمس تخصصات، وإن كل عيادة تبان كأنها موقع قايم بذاته.
- ✓ صفحة مستقلة لكل عيادة، بإجراءاتها ودكاترتها.
- ✓ صفحة “أطباؤنا” بتربط كل دكتور بعيادته.
- ✓ فورم تواصل في كل صفحة، وزرار واتساب ثابت.
- ✓ مدونة للعروض والأخبار، علشان المركز ينزّل عروضه بنفسه من لوحة التحكم.
- ✓ الموقع كله بالإنجليزي، لأن ده جمهور المركز.
ملاحظة: مش بنذكر أسماء عملائنا على الموقع، احتراماً لخصوصيتهم. لو عايز تشوف الشغل نفسه، ابعتلنا على واتساب ونبعتلك اللينكات.
وفي مشروع تاني لعيادة طبية قايمة على ووردبريس، اشتغلنا على السرعة بس: الموقع اتنقل من درجة E لدرجة A في GTmetrix، ووقت ظهور المحتوى الرئيسي (LCP) نزل من ٦٫٨ ثانية لأقل من ثانية. اقرأ دراسة الحالة كاملة ←
السعر
كام تكلفة تصميم موقع عيادة؟
موقع عيادة كامل بيبدأ من ١٢٬٠٠٠ جنيه، بسعر ثابت بيتحدد في عرض السعر قبل التوقيع. السعر ده بيشمل اللي أغلب العيادات محتاجاه فعلاً:
- ✓ صفحات العيادة الأساسية: الرئيسية، والتخصصات، والأطباء، وعن العيادة، والتواصل.
- ✓ فورم تواصل في كل صفحة وزرار واتساب.
- ✓ تصميم مخصص وسريع على الموبايل.
- ✓ تجهيز السيو التقني والبيانات المنظمة وربط Search Console.
- ✓ دعم فني ٣٠ يوم بعد الإطلاق.
الإضافات بتتحسب حسب احتياجك: لو محتاج نظام حجز متكامل (مواعيد متاحة وتأكيد تلقائي) أو نسخة بلغة تانية، بنحسبها في عرض السعر. ومش هنقترح حاجة ملهاش لازمة لعيادتك.
طريقة الشغل
من أول مكالمة لحد أول حجز
١. جلسة تخطيط
بنعرف التخصصات، والأطباء، ونوع المرضى، وإزاي بيوصلولك دلوقتي. ونرسم رحلة المريض من البحث في جوجل لحد الحجز.
٢. هيكل الموقع قبل التصميم
خريطة صفحات (sitemap) بتحدد صفحة لكل تخصص ودكتور، وبتتراجع معاك قبل أي تصميم. التفاصيل في منهجية العمل.
٣. التصميم والتطوير
قالب ووردبريس مخصص للعيادة، من غير page builders، وسريع على الموبايل. وبنساعدك في تنظيم وصياغة محتوى الصفحات.
٤. الإطلاق والقياس
ربط Search Console وGoogle Analytics، وقياس الحجوزات، ودعم فني ٣٠ يوم بعد الإطلاق. وبعدها تقدر تكمّل مع الصيانة الشهرية.
أسئلة شائعة
أسئلة أصحاب العيادات
كام تكلفة تصميم موقع عيادة في مصر؟
بيبدأ من ١٢٬٠٠٠ جنيه بسعر ثابت، وبيشمل صفحات العيادة الأساسية وفورم التواصل والواتساب والتجهيز التقني. أي إضافة زي نظام حجز متكامل أو لغة تانية بتتحدد في عرض السعر قبل التوقيع.
هل الموقع فيه حجز مواعيد أونلاين؟
الأساسي فورم قصير في كل صفحة بيوصلك على الإيميل، وزرار واتساب برسالة جاهزة، ودول كفاية لأغلب العيادات. لو محتاج نظام حجز بمواعيد متاحة وتأكيد تلقائي، بنعمله أو بنربط النظام اللي بتستخدمه، وبيتحسب في عرض السعر.
ينفع الموقع يبقى عربي وإنجليزي؟
أيوه، وتكلفة اللغة التانية بتتحدد في عرض السعر. ولو مرضاك بيتكلموا لغة واحدة، مش هننصحك بلغتين.
المشروع بياخد وقت قد إيه؟
الموقع الأساسي بياخد في المتوسط أسبوع. كل ما التخصصات والأطباء يزيدوا، المدة بتزيد، وبنحددها بالظبط في عرض السعر قبل التوقيع.
ينفع أعرض صور قبل وبعد؟
ينفع بموافقة مكتوبة من المريض، ومن غير ما يبان وشه لو مش موافق. وبنراجع معاك الصياغة علشان تبقى دقيقة ومن غير وعود علاجية.
مين بيكتب المحتوى الطبي؟
بنساعد في تنظيم وصياغة محتوى الصفحات بشكل يفهمه المريض ويناسب السيو، والمعلومات الطبية نفسها بتتراجع وتتعتمد من الدكتور قبل النشر.
هل الموقع هيظهر في جوجل؟
الموقع بيتسلّم جاهز تقنياً: سريع، وفيه صفحة لكل تخصص، وبيانات منظمة للعيادة والأطباء، ومربوط بـ Search Console. الترتيب نفسه بياخد وقت ومحتوى، وده اللي بنشتغل عليه في الصيانة الشهرية لو حبيت.
ابدأ
جاهز نبني موقع عيادتك؟
احصل على عرض سعر ثابت خلال ٢٤ ساعة.
أو تواصل مباشرة: Whatsapp · admin@taif-dev.com